Alemi Dilde Aceb Kaşanemiz Var Bizim

Âlem-i dilde acep kâşânemiz vardır bizim. Can atar şem-i dile pervanemiz vardır bizim. Vakt-i seherde açılır âşık-ı sadıklara Bade dolu aşk ile meyhanemiz vardır bizim. Şeb olunca çekilürüz kuşe-i inzivaya Sohbet-i dildar için gamhanemiz vardur bizim. Rind-meşrep dû cihanı terk eden abdal gibi Iklim-i dili gezen divanemiz vardur bizim. Âlem-i kalbe sefer et Sırrî’ya gör hikmeti Sun-i Hak’la bir imarethanemiz vardur bizim.