Aşkı Canandan

Aşk-ı cânândan fürûğ-ı devlet-i bîdârı al Gayrı alma ‘aynına ancak hemân dildârı al Nâil-i bezm-i visâl olmak idersen arzu Eyle her hâle nazar dâim rızâ-yı Yâr’ı al Kes gönülden mâsivâ hubbunu cânâ ‘ârif ol Hubb-ı zâtı nes’esiyle rü’yet-i dîdârı al Rûzigârın germ ü serdine tahammül eyleyüp Her seher tesbîh ü tehlîl eyleyüp ezkârı al Kârını sıdk ile eyle ‘âşık-ı sâdık olup Ey Nazîrâ ‘aşk-ile ağyârı terk it Yâr’ı al