Bahar Boldu Vü Gül

Bahar boldu vü gül meyli kılmadı könlüm Açıldı gonca ve lîkin açılmadı könlüm Yüzün hayâli ile vâlih erdi andak kim Bahâr kelgen ü kitkenni bilmedi könlüm Yüzün nezâresi de mest ü mahv idi yani Ki gül çağıda zamânî ayılmadı könlüm Zamane gül-bünide gonca dektür il könlü Olara şükr ki bârî katılmadı könlüm Nevayi gonca tilep könlüm ağzın etti heves Eğerçi tapmadı lîkin yanılmadı könlüm Ali Şir Nevai