Bende Bir Sevda Var

Bende bir sevdâ var ammâ nidüğün hiç bilemem İtmişem ülfet anınla bir nefes ayrılamam Tatlıdır baldan şekerden ol bana hem sevgili Tâ ezelden olmuşam nâil ferâgat kılamam Yâr-ı gârım hem o sevdâ hem enîsimdir benim Hergiz ol bensiz olamaz ben de ansız olamam Dü cihânın ni’metinden yeğdir ol sevdâ bana Mâsivâyı itseler arz meyl idüben alamam Dalmışam bir bahre kim yok ana hadd ü inkızâ Olmuşam mest-i müdâm deryâ-yı mahva dalamam Eylerem lehv ü tarab sıbyân gibi ‘âr bilmeyüp Gülerem gâh ağlaram göz yaşını hiç silemem Dir ki Kuddûsî bana virdi bu sevdâyı Hudâ Andan özge her ne virse şâd oluban gülemem