Bikülli Şey'e Kadirsin Çün Ey Hakk

Bi külli şey’e kâdirsin çün ey Hakk Kapunu aç bana hiç kılma muğlak Günâhkârım beni it mağfiret hem Dahi it zümre-i ‘uşşâka mülhak Geçir fazlınla meyl-i mâsivâdan Hemîn deryâ-yı ‘aşka eyle muğrak Sana cezb it olayım mest ü mahbûb Benim sen ol enîs ü yârim ancak Kamu muhsinlerin çün ecvedisin Cemî’-i halka vehhâbsın muhakkak Beni bir lahza vaslından ayırma Ki matlûbum o hûb yüzüne bakmak Bu Kuddûsî kulun ister Latîfâ Cemâlin şem’ine pervâne olmak