Bir Güzelin Aşıkıyam

Bir güzelin ‘âşıkıyam ki ana yok misl ü nazîr Vuslatını arzularam hicri beni itdi hasîr Virdim ana vârımı hep eyleyüben anı taleb Girmeye ‘aşk oldu sebeb çünki firâk emr-i ‘asîr ‘Aşkına dil düşeliden cân u tene geldi vehen Oldu harâb burc-ı beden kıldı beni derdi ‘asîr Gönlüme ‘aşk virdi safâ rûhuma hem oldu gıdâ Buldum anı derde devâ hükmü kavî nef’i kesîr Her kim ana oldı şikâr dünyâ olup başına dar Eylemez ol kibr ü vakâr çün ki olur hor u hakîr Havf u recâ bilmez olur ‘âr u hayâ bilmez olur ‘Iyş u safâ bilmez olur dir ana nâs merd-i fakîr Ol ise bir şâh-ı cihân köhne palâs içre nihân ‘Ârif-i zât kutb-ı zamân vâsıl-ı Yezdân u Kebîr Gel sözümü dinle dedem virme bu Kuddûsî’ye gam Yahşidir ‘aşk gayrısı kem gayrı ko ‘aşk bahrine gir