Bu Gülşende Hezarı Binevayım

Bu gülşende hezâr-ı bî-nevâyım yâ Resûlallah Velî âzürde-i hâr-ı cefâyım yâ Resûlallah N’ola olsun revâ cûyende-i dâr-ı ihsânın Esîr-i derd-i aşkım mübtelâyım yâ Resûlallah Beni gencine-i fazl-ı Hudâ’dan behreyâb eyle Der-i lutfunda muhtâc-ı ‘atâyım yâ Resûlallah Nigâh-ı şefkatinden ben garîb-i yâri dûr etme Günâhkarım giriftâr-ı hevâyım yâ Resûlallah Kerem kıl lutf u ihsânınla dilşâd eyle ben zârı Nahîfî’yim kapında bir gedâyım yâ Resûlallah