Bugün Yakubu Kalbe

Bugün Ya’kûb-ı kalbe Yûsuf-ı cândan geldi, Kâmîs-i pür nesîm ile o cânândan haber geldi. Açıl ey gözlerim envâr-ı vech-i zül-celâlîden, Dilâ bedr ol kim mihr-i dırahşândan haber geldi. Yerinme nâkısım deyu kemâl ehlini gördükçe, Kamû noksânı tekmil eden insanlardan haber geldi. Eyüp dilhâneyi tamir otur bu beyt-i ahzanda, Bu şeb bana seher vaktinde mihmândan haber geldi. Ne kim yağma olundu çekme gam şimden geru sen var, Dil-i vîrandaki ol kenz-i vîrândan haber geldi. Bu Mısrî’nin vücûdu Mısrînin oldur şehinşâhı, Ezelden tâ ebed hükm-i Süleymandan haber geldi.