Bulam Dersen Eğer

Bulam dersen eğer dil katresinde bahr-i ummânî Akıt sen zemherir-i dîdeden hûn-âb-ı bârânı Boyanma reng-i fâniye azimet eyle bâkiye Dahi aldanma ferdâya bugün gör veçhi cânânı Nedir bu deşt-i ğaflette gezüp a’mâ olup kalmak Basiret tahtgâhına otur ol şâh-ı sultânı Şems âfâkı tutmuştur, görünmez çeşmi a’mâya Açıp cân didesin enfüsde gör ol mihr-i rahşânı Eger Sa’di cenab-ı hazret-i Hakka varam dersen Otur dergâh-ı tende dil ile zikreyle Subhânı