Canan Yolunda Canım Giderse

Cânân yolunda cânım giderse cânıma minnet el-hükmü lillah Yârin eliyle şem’am yanarsa devlet-i bâkî fazlun minallah Dîdâr-ı yâri kılan temâşâ ağyâr yüzüne bakar mı hâşâ Nûr-ı tecellâ menzil-gehidir mir’at-ı hikmet min kudretillah Hurşîd-i ma’nâ mihr-i dilârâ şevk-ı cemâli kamer-i garrâ Enzâr-ı rahmet kân-i kerâmet şems-i sa’âdet min rahmetillâh Enhâr-ı ‘irfân sadrında cârî ezkâr-ı Rahmân leyl ü nehâri Feyz-i feyezân dârü’ş-şifâdır fermân-ı dâim tûbû ilallah Burc-i Küfrâ’da mâh-i münevver doğdu o meh-rû hurşîd-i ahmer Mürşid-i ümmet ummân-ı rahmet nûr-i mücessem rûh-ı ma’allah Pîr-i Küfrevî emîr-i ebrâr nûr-ı ma’nevî sultân-ı ahyâr Şems-i hidâyet necm-i sa’âdet hâdî-i ümmet min keremillah Nâm-ı Muhammed sırr-ı mukaddes emîr-i aktâb bir zât-ı akdes Serdâr-ı pîrân râh-ı hüdâde Lokmân-ı devrân li hikmetillah Tavâf ederdi ricâl-i kirâm ‘asrında olan ‘âlim ü ‘allâm Dergâh-ı Mevlâ idi o sultân ihsân ederdi hasbeten lillah Lutfî letâfet şânına şâyân hurşîd-i vahdet güneşden ‘ayân Nâşir-i feyz-i Feyyâz-ı Mutlak ehl-i îmâne lillâhi fillah