Derdi Derunuma Enbaz Olanın

Derd-i derûnuma enbâz olanın Serv-i kāmetleri dâl oldu gitdi Meydân-ı gamımda serbâz olanın Billûr gerdenleri al oldu gitdi **** Derdim deryâları emvâce saldı Belâ-yı girdâbı âteşler aldı Şems ü kamer encüm hayretde kaldı İskender Rüstem’ler kāl oldu gitdi **** Yıkılsın feleğin çarhı çenberi Al kana buladı nice şehperi Hani feth eyleyen bâb-ı Hayber’i Bu derdin elinden dâl oldu gitdi **** Dağlansun âteşe ka‘r-i derûnum Rîze rîze pârelensün berûnum Evlâd-ı Hayder’dir derd-i füzûnum Namları dillerde kāl oldu gitdi **** Lutfi âlem yandı oldu perîşân Erenler mahvoldu kalmadı zî-şân Meğer ki Allah’dan erişe bir şân Yoksa cihân böyle hâl oldu gitdi Alvarlı Efe Muhammed Lütfi Hazretleri