Derviş Olan Kişinin

Derviş olan kişinün sözleri umman olur Salik-i Hak olanun rahına bürhan olur İlm-i ledün dersini arif olan kişiler Haste-dil olanların derdine Lokman olur Her seher efgan idüp bülbüli hayran ider Dide-i giryan idüp sinesi büryan olur Beyt-i dili pak olur zikr-i Hakkı işiden Sabr u kararı gider işleri devran olur Şem-i cemali döner pervane-i aşıkun Zan ider ol cahilun devr ile isyan olur Münkirleri dahi ider kime sözünüz dimez Yine işi anlara lutf ile ihsan olur Sanma Niyazi özün derviş oluptur senün Derviş olan kişiler şöylece sultan olur