Dervişliğin Vasfını

Dervîşliğin vasfını demeğe irfân gerek Ma’rifet yemişini yemeğe insân gerek Küfr-i zulmet kapusu kâl ü kîlden açılmaz Ağır çevgân salmağa âlemde merdân gerek Devlet topun atmayan nefsin burcun yıkamaz Hû deyip cân vermeğe aşk ile mihmân gerek Kevn ü mekân çirkini irkindi su ayırmaz Dalıban oynamağa tâlibe ummân gerek Dışın düzen dem be-dem Hakk’dan nazar bulur mu Kâlin bâbın açmağa zikr ile devrân gerek Dört kitâbı okuyan ilme muhtâc olur mu Sırrın seyrân etmeğe delîl ü bürhân gerek Aç gözüm Ümmî Sinan dostu bunda göre gör Dostu bunda görmeğe ehline fermân gerek