Desti Aşk İle Vücudun

Dest-i ‘aşk ile vücûdun cübbesin çâk eyleriz Nefsimiz râh-ı fenâfillahda hâk eyleriz Çeşm ü cânı ideli pür-kühl-i envâr-ı şühûd Tarfetü’l-‘ayn içre seyr-i eflâk eyleriz Bulmağa hicr-i şühûd içre biz istifrâk-ı tâm Su gibi sâfî kılup âyînemiz pâk eyleriz Biz sürûr-ı dâim içre ‘ıyd-ı ekber itmişiz Cismimiz nem-nâk eğerçi kalbi gam-nâk eyleriz Hakkıyâ biz mazhar-ı Hakk’ız ezelden tâ ebed Urmazız lâkin ene’l-Hakk’dan dem imsâk eyleriz