Devam Eyle Namaza

Devâm eyle namâza secdeden kaldırmagil baş Deniz et secdegâhı gözlerinden akıtup yaş Dahi meşgûl olasın savm-ı isneyn ü hamîse Bu iki günde sünnetdir yedirme nefsine aş Tezellül eyleyüp Hakk’a yüzünü tut niyâza Ana makbûl olan ancak temellük oldu kardaş Fenâ mülkünü ta’mîr eylemekden fâriğ ol gel Ziyâde yapma hâcetden koma taş üstüne taş Gece gündüz hemân sa’y eyleyüben er murâda Cebîn olma cesûr ol kaçma günden misl-i huffâş Her insâna kumaş sandığın açma doğru sanup Ederler vârını yağma sakıngıl eyleme fâş Mecâzî ‘aşkı özüne makâm edinme zinhâr Ki Hakk ‘aşkı-durur maksûd değildir göz ile kaş Bu ‘ilm-i zühd ü takvâya dayanup olma mu’cib Kamusu korkarım kabir içinde olur ahnâş Hudâ emr eyledi gerçi ‘ibâdetle velâkin Kabûl etmem dedi ihlâsı hem etmezse yoldaş ‘Ucub ehliyle Kuddûsî hazer kıl etme sohbet Kuru yanında çün meşhûr meseldir ki yanar yaş