Dilden Çıkar Ağyarı

Dilden çıkar ağyârı ki ol yâre yer olsun İnkâre mahal verme ki ikrâre yer olsun Sokma bu sivâ zulmetini hâne-i kalbe Sâde o harem-hânede envâre yer olsun Geç nefs ü hevâdan bu gönül beytini pakla Eşrârı ko kim zümre-i ahrâre yer olsun Gülçîn-i merâm ol düşürüp hârı nazardan İkbâli hakir etme ki idbâre yer olsun Hazmî bu gönül hânesini koyma harâbe Ta’mîr et o vîrânı ki hünkâre yer olsun