Dünyaya Gönül Virme

Dünyâya gönül virme ki vîrân olacakdır Hep cümle gidüp Vâhid-i bî-çûn kalacakdır Fırsat eline girmiş iken eyleme gel fevt Cânlar alıcı cânını bir gün alacakdır Pes ‘âleme hükm idici sultân dahi olsan Kabr içre girüp gözlerine hâk dolacakdır Her kim ki anadan doğuban geldi cihâna Âhir anı mevt zîr-i zemîne salacakdır Pek sevdiceğin sîm ü zeri mülk ü metâ’ı Hakk sevmediğin várisine mâl kılacakdır Fânî evini tezyîn idüp bağlama dil çün Bir gün ola ki ıssı gidüp yıkılacakdır Kuddûsî-yi bî-çâre sivâ koyma gönülde Ağyârı koyan yârini zîrâ bulacakdır