Düşeli Sineme Sevdayı Nihan

Düşeli sîneme sevdâ-yı nihân sûzânım Vuslatın derdi ile her cihete pûyânım Görün ey mâh-ı cihân-ı melekût-i akdes Görün ey lem’ası bin mâha değen cânânım Devlet-i dâime-i vaslını cûyân olalı Oldu dünyâ şerefi pâ-zede-i vicdânım ‘Akl-ı küll fikrimi tenvîr edeli ‘aşkın ile Nisbet-i şeyn-i cünûn oldu nişân-ı şânım Vasfının velvelesi zelzele-bahş-ı efkâr Her gören hüsnünü der söyleyemem hayrânım Ebedî bir ‘azamet bir ehadiyyet-i meşhûd Bî-cihetdir nazarım mest-i Hudâ-cûyânım Mağz-ı Kur`ân’ı beyân etmek içün ey Mecdî ‘Akl-ı furkân arıyor kalb-i serâir-dânım