Eğer Bukratu Sukrat

Eğer Bukrat u Sukrat u Felâtûn-ı ilâhîdir ‘Umûmen zevk-i hâl ü ‘ilm-i hikmetle mübâhîdir Belî mâü’l-hayât-ı hikmet ile olmasa şüste Kalan rûy-i dilinde herkesin gerd-i günâhıdır Nice zencî iken Lokmân oldu rû-sefîd âhir Ki hikmet âb-ı rû-yi halk u dârû-yi devâhîdir Eğer tıbb olsa hikmet olmasa olmaz hakîm âdem Ki hikmet bî-nihâyet vasf-ı tıbb ise tenâhîdir Hakîm-i Tirmizî hikmetle buldu şöhret ü şânı İlâ yevmi’l-kıyâme hikmet anın ‘izz u câhıdır Bugün Hakkı serîr-i hikmet üzre şâh-vâr oldu Ana ehl-i ‘ulûm ‘âlemde bir alay sipâhîdir