Eğerçi Gamı Uhranın

Eğerçi gam-ı uhrânın irişdi câna te’sîri Gönül sabr eyle lutf ile gözet âdâb-ı takdîri Sana emvâc-ı ekdârdan halâsa çünki yok çâre Belâ bahrinde seyr idüp bırak bu sû-i tedbîri Nasîbin bu imiş hergiz sana gülmek değil mümkin Demâdem ağlayup inle Hudâ ‘afv ide taksîri İlâhî bî-mecâl oldum kapuna ağlayu geldim Yığılmış kalbim it ihyâ müyesser eyle ta’mîri Fenâ bâğında uç dâim vücûd eşcârına konma Sana Bîçâre dendi çün budur ma’nâ vü takrîri