Ehli Aşkın Tarabı

Ehl-i ‘aşkın tarabı âh u nevâdır zâhid Dem ü sohbetleri de bâd-ı hevâdır zâhid Zikr-i ‘ayş-ı ezelî itmiş o erbâbı harâb Nısf-ı ‘ayş anlara zikr içre sadâdır zâhid Fakr-ı vîrâne idinmiş ol gürûh-ı enbûh Andan ol tâife hep dahme-küşâdır zâhid Bir siyeh hırkaya mâlik imiş ol fırka velî Cevz-i hindî gibi pür mağz-ı vefâdır zâhid Sen ibâdetle tefâhürdesin ammâ ‘uşşâk Hep ‘ubûdiyyete mâil ‘urefâdır zâhid Ser-be-ceyb olduğuna bakma fakîrin çü cebel Kemer-i himmeti pür tibr u tılâdır zâhid Fıkd-ı mevcûdla vicdâna Müsellem-veş iren Fukarâdır fukarâdır fukarâdır zâhid