Ekseri Erbabı Kalbin

Ekser-i erbâb-ı kalbin nazm iledir ülfeti Feth olur kenz-i meârif şi’re eyle dikkati Nazm ile esrâr-ı tevhîd neşr olur dilden dile Kesbi pek sür’at bulur evzâne eyle rağbeti Metn-i ilm-i hikmet olmuşdur bu eş’âr aç gözün Nûr-i cân feyz-i îmândır Mesnevî’nin sohbeti Nice Enverî vü Sa’dî dahî Firdevsî gibi Gün gibi gösterdiler şi’r ile ilm-i hikmeti Mey-i maʻnâ-yı hidâyet câmıdır Mollâ-yı Rûm Kâʻbetu’llâh-i hakikat vacib oldu hurmeti Tâlib-i dîdâr-ı Mevlâ aşkı rehber eylemiş Şi’r ise mir’ât-ı aşkdır aşka eyle himmeti LUTFİYA ilm-i ledünnî kesb ile hasıl değil Lutf ede Bârî Teâlâ aça bâb-ı rahmeti