Enfüsü Afaka İrişdin İse

Enfüs ü âfâka irişdin ise seyrâne gel Vahdete ir kesreti ko menzil-i cânâne gel Keşf olursa sırr-ı Hakk urma ene’l-Hakk’dan demi Zabt ile lisânını âdâb ile erkâne gel Sâdıkân yolun tutup doğrulalım ol ‘âleme Ka’be-i dîdâre irüp vuṣlat-ı Yezdân’e gel Dil sefînesini sal bahr-ı muhabbet üstüne Dest-i mürşidle husûl-i gevher ü mercâne gel Dîde-i cân ile seyr it sen yedi deryâları Mevclerinden gark-ı nûr ol başka sırr-ı câne gel ‘Âdile ezkârın olsun dâimâ İsm-i Celâl Sırr-ı pâk-i Mustafâ’dır Hazret-i Kur`ân’e gel