Etme Halt

Zahidâ aşk ile zühdü tutma yeksân etme halt! Bir gönülde cem olunmaz iki zıddân etme halt! Yâri istersen eger ağyârına meyl eyleme, Olmasın dersen dahi gönlüm perişân etme halt! Ehl-i Hakka çün haram oldu bunu bil dü cihân, Himmet eyle kendine, ol ehl-i Yezdân, etme halt! Derd-i aşka derd imiş derman ânı kesb ede-gör, Semm-i kattâli sakın zan etme derman etme halt! Hâne-i dilde koma hiç mâsivâ Kuddûsîya, Dolmasın evsâh ile me’vâ-yı Sultan etme halt!