Evla Bulmadım

Zenbe dermân zikr ü istiğfârdan evlâ bulmadım Aradım a’mâli hep ezkârdan evlâ bulmadım İstedim ki dilde şems-i ma’rifet ide tulu’ Nefy ü isbâtı hemân tekrardan evlâ bulmadım Mâsivâdan kalbi safî idici kâr istedim Zikr-i Hakk hoş kâr imiş bu kârdan evlâ bulmadım Gaflet ile bilmeyüp ağyâra meyl itmiş idim Yâre meyl itdim bugün ben yârdan evlâ bulmadım Dir ki Kuddûsî Hudâ’ya pek yakın yol aradım Gice gündüz zikrini iksârdan evlâ bulmadım