Ey Gönül Aşkı Şirinkardır

Ey gönül ‘aşk-ı şîrîn-kârdır üstâd sana Hâzır ol kim yetişüp san’at-ı Ferhâd sana Ele al koyma yire ‘aşk-ı dil-ârâ eteğin Kim odur şâm u seher hem-dem-i pâ bâd sana Şâh-ı maksûdun eğer mâtı içün kîş diseler Ne elem çünki odur ferz-i meded-dâd sana Şeş-der-i hayrete düşsen ne gamın var kim ol Kurtarır çünki odur kâmil-i nerrâd sana ‘Aşk ile yârlık it çek başa bed-nâm eteğin Çünki andan yetişir hûb u güzel âd sana Nefes-i pîr mi yâ în eser-i ‘aşk mı yâ Yitmedi her ne kadar yildiyise bâd sana Kûhı her âh ile virdin yile berbâd itdin Lutf-ı Mevlâ’dır hemîn kuvvet-i Ferhâd sana Yakdın ‘âşıkları bir nâle-i dil-sûzun ile Gâlibâ kim yetişüp rütbe-i irşâd sana Ey Nigârî ne gamın var cihân içre senin Ki virüp lutf-ı ezel ‘aşk-ı Hudâ dâd sana