Ey Karındaşlar

Ey karındaşlar eğer ‘âbidler ise tapunuz Mâsivallâhı kon ol ma’bûdunuza tapunuz Tapunuz kulluğunuz gayrına bâtıldır Hakk’ın Çünki anın kapusundan özge yokdur kapunuz Kapunuz bir hak nasîhat işidicek berk tutun Cehd ile şeytân-ı düşman kapuların yapunuz Yapmanuz bünyâdınız bu köprü üzre fânîdir Geçin andan Hakk’a kaçın himmet atın çapunuz Çapunuz tevbe kılıcı birle nefsin boynunu Zîrâ yokdur andan artuk yapışacaḳ sapunuz Sapunuz düşman yolundan dost eline giriniz Andan artuğa dimen kim biz gulâmı tapunuz Tapunuz imdi hemân nefsânî hazzı terk idin Bu Kemâl Ümmî bigi ‘âciz değilse tapunuz