Ey Şanı Kerem Saki

Ey şân-ı kerem sâkî bir dem bizi yâd eyle Bâde-i muhabbetle mahzûn dili şâd eyle Mestânelerin gözler şerbet-i şifâ senden Bir şerâb-ı vahdetle derd ehline dâd eyle Erbâb-ı kerem dâim üftâdelerin gözler Âşüftelere rahmet ikrâmı murâd eyle Şerâfeti eşrâfın ihsânla olur zâhir Şöhret ü şerâfetdir dergâhı küşâd eyle Kânûn-i kadîmîdir erbâb-ı kerem şânı Gedâlara vir hil’at esîri âzâd eyle Lutfî ne sa’âdetdir himmetin ola ‘âlî Harâbları ma’mûr it vîrânı âbâd eyle