Ey Talibi Dünya

Ey tâlib-i dünyâ sana ‘ibret niçün olmaz selef İtmek revâ mı dâimâ sermâye-i ‘ömrün telef Bir gün seni yâr-ı gâr sayyâd-ı mevt eyler şikâr Aç dîdeni cânın uyar ‘özr-i bahâne bertaraf ‘İz’ânı olan kâmile lâyıķ budur hadden bile Fahr eyler idi fakr ile Peygamber-i ‛âlî-şeref Ol server-i ‘ulvî-neseb ihyâmıza oldu sebeb Virdi bize ol lutf-ı Rabb her bir hadîsin ber-tühaf Fevt itme Fazlî fırsatı ķıl ķurb-ı zâta rağbeti Olmaz kemâl-i kıymeti dürrden cüdâ olsa sadef