Ey Vaiz

Söylersen eğer söyle burhân ile ey vâ’iz Te’yîd eyle güftârın Kurân ile ey vâ’iz Va’z eyleme söylenmez ‘irfân ile ammâ kim Erbâb-ı dile değme hezyân ile ey vâ’iz Bî-ma’nâdır akvâlin zîrâ ki nedir kâlin Öz hâli ile meşgûl rindân ile ey vâ’iz Al dâmen-i sevdânı terk eyle bu hezyânı Tâ gönlün ola memlû îmân ile ey vâ’iz Sûzâne-i sevdâyem vehm eylemezem söyle Neyler bana kârım nüh nîrân ile ey vâ’iz Çok söyleme kim geçmez çün mühr-i müsellemdir Bu Mîr-i Nigârî’ye fermân ile ey vâ’iz