Ezel Mestanesi Sermest Olur

Ezel mestânesi sermest olur dâim çeker âhı Yanar aşk ateşine odlanır her dem ciğer-gâhı Akar gözlerinin yaşı cânân yoluna kor başı Verir cânı geçer serden budur âşıkların râhı O meyhane-i vahdetde Muhammed’dir olan sâkî Habîbu’llah bize teslîm edüp gitdi bu dergâhı Ziyafet-hâne-i rahmet muhabbetdir yüce devlet Seâdet ehli zî-himmet olur bulur harem-gâhı MUHAMMED LUTFÎ’nin dest-gîr-i ola Resûlu’llah Dü-âlemde anı memnûn u mesrûr ede Allah’ı