Ezel Meyhanesinde

Ezel meyhânesinde bâde-keş mest-i muhabbetdir Düşüp sermest hayretde kalan nâil-i devletdir Serâb-ı vahdeti rûz-i elest taksîm eder sâki Gürûh-i ârifâne zât-ı akdes mihr-i rahmetdir Şerâb-ı eynemâ ihyâ eder mürde olan merdi Verir bâkî hayâtı âşıkâne ne şerâfetdir Kerem-rûler kerem-şândır Kerîm ismine mazhardır Tecellî hil’atin giymiş sere şems-i seâdetdir Bu mevcûdât vücûdu gösterir mûcidini vâhid Kamu eşyâ olur şâhid o vâhidde bu kudretdir Çalar mihr-i hidâyet dîde-i diller olur pür-nûr Açar perde-i esrârı cemâlinden ne cennetdir Ederler derde dermânı bu hikmet-hânede LUTFÎ Bütün sâil olur nâil keremistân-ı hikmetdir