Geçir

Ey Kâdir ü Hâdî beni bu kıyl ile kâlden geçir Mest-i müdâm it dâimâ ağyâra ikbâlden geçir Varlık sana mahsûs hemân yokluk benim hâlim-durur Doldur içime ‘aşkını pes cümle işgâlden geçir Unutayım iki cihânın devletin gidem sana Şol ibn Edhem-veş kamu evlâd u emvâlden geçir Kıl fazl u lutfunla gürûh-ı ‘ârifândan ey Latîf Bu bî-hulûs-ı takvâdan ‘ilm ile a’mâlden geçir Dostun Muhammed hürmetine bu garîb Kuddûsî’yi Mevzûn kelâm inşâ ile i’câb u imlâlden geçir