Geldi Dil Divanına

Geldi dil divanına çün bûy-ı muhabbet! Düşürdü bu ğavğalara âmû-yı muhabbet! Seyyah olurum Hindi Yemen Rum Hicâz, Olursa revân der dile hem cûy-u muhabbet! Müştâk oluben yâre gönül eylemez ârâm, N’itsin ona sihr eyledi câzû-yı muhabbet! Olmadı müyesser bana bu dünyada bir dem, Rahat vere bu cân dile arzu-yu muhabbet! Fahr eyleme zâhid amelim çok diye zira, Temyiz eder a’mâli terazi-yi muhabbet! Ğark etti vücud mülkünü derya-yı teşevvuk, Göründü gönül gözüne çün sû-yu muhabbet; Cânânı taleb eyler isen cânı fedâ et, Gel gör ki açık âşıka çarşı-yı muhabbet! Kuddûsî’ye Hak nimetini eyledi itmam, Çün gönlünü pâk eyledi câzû-yı muhabbet!