Gelmekden Kaçar

Şunlar ki aşk ile bugün meydâna gelmekden kaçar Tâvus-i Kudsî olmayup cevlâna gelmekden kaçar Zâhid ne bilsün hâlet-i aşk içre olan devleti İnkâra düşmişdür özi îmâna gelmekden kaçar Her kim basiret ehlidür Hakk’ı görür peydâ velî A’mâ olanlar Yusuf’ı seyrâna gelmekden kaçar Gerçek kul olan kişiler Hak’dan cüdâ olmak ba’îd Hizmetde taksîrât iden sultâna gelmekden kaçar Kesret ilinde Hakkıyâ her kim olur sâhil-nişîn Bir katra-i nâçîzdür ‘ummâna gelmekden kaçar