Hak Aşıkı Olanların

Hak âşıkı olanların Dâ’im işi tevhîd olur Terk-i sivâ kılanların Dâ’im işi tevhîd olur Mevlâsına eyler firâr Zikrin ider leyl ü nehâr Bu kârı edüb ihtiyâr Dâ’im işi tevhîd olur Etmez ma’âş içün keder Halkdan kaçub Hakka gider Durmaz lisânı zikr ider Dâ’im işi tevhîd olur Cismi olur insân ile Kalbi olur Yezdân ile Gâh gizlü gâh ihvân ile Dâ’im işi tevhîd olur Aşkı ider rûha gıdâ Zikri ider kalbe cilâ Tevhîdde buluban safa Dâ’im işi tevhîd olur Vahşî olub uzlet ider Halkdan hemîn nefret ider Mevlâ ile sohbet ider Dâ’im işi tevhîd olur Kuddûsî’nin pendi sana Zikri Hüdâ’dır dâimâ Âşıkların subh u mesâ Dâ’im işi tevhîd olur