Haktan Yıgar Ol Seni

Hak’tan yıgar ol seni nen var ise ver gider Ne beslersin bu teni sinde kurt kuş yer gider Ölene bak gözün aç dökülür sakal u saç Yılan çıyan gelir aç yiyip içer sir gider Bize bizden ulular hulk-ı lâtif huylular Ol iyi amelliler haber böyle der gider Kesgil harâmdan elin kesgil gaybetten dilin Azrâil el ermede bu dükkânı der gider Ecel erer kurur baş tez tükenir uzun yaş Düp-düz olur dağ u taş gök dürülür yer gider Çün cân ağdı Hazret’e yerag et âhirete Tanla duran tâate Tanrı evine er gider Ey Yunus sen ölicek sinin nûrla dolıcak Îmân yoldaş olıcak âhirete şir gider