Haram

Dimiş Resûl ki âhiret ehline bu dünyâ harâm Hem ehl-i dünyâya işit kim cennet-i zîbâ harâm Hakk ehli itmez iltifât hîç masivâya zerrece Cezb eylemiş çünki anı iki cihân ana harâm Eyle tefekkür var ise ‘aklın bu üçün kankısı Mergûb ‘azîzdir sev anı pes gayrısı sana harâm Bu cîfe-yi murdârı çok cem’ eyleme Kârûn gibi Her kim ki söz tutmaz ise ana olur me’vâ harâm Kuddûsîyâ ‘âşıklara dünyâ vü ahret perdedir Anlara meyl iden kişiye vuslat-ı Mevlâ harâm