Her Kaçan Tecelli İtse

Her kaçan tecellî itse keşf-i esrâr-ı Hû Mahv ider cümle cihânı lem’a-i envâr-ı Hû Hû diyince hep izâfât kuyûdât mahv olup Böyle buldu Zât-ı Hakk’ı cümle ebrâr-ı Hû Her kaçan “innî enallah” na’rasın ursa o dost Tûr-ı ‘aşkı cümleyi ta’mîr ider mi’mâr-ı Hû ‘Ayniyyet-i keynûnet buldu tahkîkîn bugün Hamdülillah gitdi hep ağyâr-ı Hû inkâr-ı Hû Nokta-i sırr-ı Muhammed’dir bu zât-ı aslımız Bu vücûdumuz bizim eşcâr-ı Hû esmâr-ı Hû “Küntü kenz”in haznesini sende pinhân eyleyen “Lî ma’allah” vaktine da’vet ider her bâr-ı Hû Ma’nevî lâhût iline geldi cümle mümkinât ‘Arz-ı dîdâr eyleyince keşf-i dîdâr-ı Hû Ma’nevî gel Hakk’la ol gayrı sana ola kul Lâ-cerem vahdet şerâbın sunar ol hünkâr-ı Hû