Her Neye Baksa Gözün

Her neye baksa gözün bil sırr-ı Sübhan andadır Her ne işitse kulağın mağaza-ı Kur’ân andadır Her şeye mahluk göziyle baksan ol mahluk olur Hakk göziyle bak ki bî-şek nûr-ı Yezdân andadır Kesret-i emvace bakma cümle derya birdürür Her ne mevci kim görürsün bahr-ı ummân andadır Vahdeti kesrette bulmak kesreti vahdette hem Bir ilimdir ol ki cümle ilm u irfân andadır İbret ile şeş cihetten görünen eşyaya bak Cümle bir âyinedir kim vech-i Rahmân andadır Söyleyen ol söylenen ol görünen ol gören ol Her ne var âlâ ve esfel cümle yeksân andadır Haşr u neşr ile sırat u duzeh u mâlik azab Hem dâhî Rıdvân u Cennet hûr u gılman andadır Görünen sanma Niyâzî’nin heman sen mülkünü Gönlü bir vîrânedir kim genc-i pünhan andadır