Hoş Oldu Hali Dil

Hoş oldu hâl-i dil ol dem ki geldi ol dildâr Dil oldu mâil-i dîdâr anınla buldu karâr Çü hâne fevk-ı felekdir ‘anâsırı terk it Yakışmaz ol eve olmak bu âb u gil dîvâr Misâl-i tîğ-i niyâm ten içre uyuma çık Saff-ı hevâyı ur etrâfına sen ol seyyâr Cihânın aslısın eyler seninle devr-i felek Muhît-i dâiredir resm-i gerdiş-i pergâr Hezâr mürde sabâhın demiyle zinde iken Ne mürdesin ki seni zinde itmedi eshâr Çü mevt-i ‘unf ile cânın bu tenden alsa gerek ‘Aceb ki her şeb olursun birâderine şikâr Kıbâb-ı ‘izzeti seyr itdi her şeb ey Hakkı Tavafgâhı olan havl-i künbed-i devvâr