Huda Kıldı Seni

Hudâ kıldı seni zâtına mir`ât yâ Resûlallah O mir`âtda görüldü sûret-i zât yâ Resûlallah O mir`âta nazar kıldıkda Mevlâ hüsnünü gördü Beğendi ‘âşık oldu sana bi’z-zât yâ Resûlallah Tecellî-i kemâlullah yüzünden zâhir oldukda Bir oldu kamu ervâh ile esvât yâ Resûlallah Cihânı eyledi peydâ senin nûr-ı şerîfinden Münevver oldu yer gök ‘arş u hayât yâ Resûlallah Görelden vechini eyler müdâm ‘aşkın ile cevlân Felekler mihr ü mâh encümle evkât yâ Resûlallah Tenezzül eyleyüp mülk-i cihâna gelmeden maksûd Bilişsin ‘aşk u ma’şûk nefy ü isbât yâ Resûlallah Bu Bedrî ‘âcizin gerçi hatâsı çok efzûndur Senin muhtâc-ı lutfun oldu bi’z-zât yâ Resûlallah