İki Kaşın Arasında

İki kaşın arasında çekti hatt-ı istivâ Âdeme esmâyı ta’lim etti ol hatdan Hudâ Zatı ilme Mustafa esmâya âdemdir emin İkisinden zâhir olmuştur ulûm-u enbiya Zat u esmâ vü sıfat ef’âl-u âsâr cümleten Her zamanda bir velinin vechine bunlar ziya Secde eyle Âdem’e tâ kim Hakka kul olasın Eden âdemden ibâ, hak’dan dahi oldu cüda Surete gördüler Allah diyeni olmuş fakir Sandılar Allah fakirdir kendilerdir ağniya Kenzi lâ yefna’yı bilmez, kandedir illâ fakir Bahr-i bî-payanı bulmaz etmeyen terki siva Ravza-i hadra’yı bilmez, Hızr’a yoldaş olmayan Ab-ı hayvânı bu zulmü görmeyenler sandı mâ Bilki seddeyn iki kaş İskender ortasındadır Cem’ü cem’ül cem ile feth oldu ebvab-ı Hüda Kande bulur Hakk’ı inkâr eyleyen bu Mısrı’yi Zahir olmuşken yüzünde nûr-i zât-ı kibriya