İlahi Lutfu Rahmet

İlâhî lutf u rahmet kapusın aç Bizi gayrı kapuya itme muhtâc ‘Atânun zerresidir taht ile tâc Bizi gayrı kapuya itme muhtâc Açılsun kullara ol ulu dergâh Kolay gelsün kamuya müstakîm râh Sana muhtâc iken her bende her şâh Bizi gayrı kapuya itme muhtâc Nebîlerde olan envâr hakkı-çün Velîlerde olan esrâr hakkı-çün Meşâyihde olan etvâr hakkı-çün Bizi gayrı kapuya itme muhtâc Cemâlün hazretinün behceti-çün Celâlün hazretinün heybeti-çün Muhammed Mustafâ’nun hürmeti- çün Bizi gayrı kapuya itme muhtâc Bu düşmiş Nûri’nün ol dest-gîri Elin al dâ’imâ kaldur fakîri Müyesser eyleyüp hayr-ı kesîri Bizi gayrı kapuya itme muhtâc