İrişdire Bizi Ol Hayyu Kayyum

Fenâdan geçirüp bezm-i bekâya İrişdire bizi ol Hayyu Kayyûm Kemâl-i fazl ile zevk-i likâya İrişdire bizi ol Hayyu Kayyûm Hayât eyle likâdan mürde câna İçem vaslı şerâbın kana kana Velîlerle bile emn ü emâna İrişdire bizi ol Hayyu Kayyûm Derûnumdan çıka âsâr-ı kevneyn Makâmım ola sırr-ı “kâbe kavseyn” “Ev ednâ”ya nazar kılmağa ‘ayneyn İrişdire bizi ol Hayyu Kayyûm Tekmîl ola cem’ ile farkda ‘irfân Kemâline irişe nûr-ı îmân Bir ola bugün cân ile cânân İrişdire bizi ol Hayyu Kayyûm İrüp Bîçâre’ye ihsân-ı Mevlâ Fenâ ender fenâdan ide ihyâ Bekâ içre bekâda bulmağa câ İrişdire bizi ol Hayyu Kayyûm