Kat Kat

Sîneden câmesini çözse ol âfet kat kat Açılır san ki gül-i bâġ-ı letâfet kat kat Gören ol hâtt-ı siyâh üzre didi kâkülünü Hey meded gün yüzünü ķapladı zulmet kat kat Ahmak u echel ü ednâyı tutar rıf’atda İşbu devr içre felek itdi denâet kat kat Sîne-ber-sîne vü leb-ber-leb olagör ‘âşık Diler isen ki ola mihr ü mahabbet kat kat Bu Rusûhî bilir ey sôfî kitâb-ı ‘aşkı Kim anın her varakın itdi kırâat kat kat