Katresi İlmi Ledünnün

Katresi ‘ilm-i ledünnün sad-hezârân Nîl olur Noktası bu nüshanun ey dil niçe tafsil olur ‘Âlem-i vaslunda yârûn her demi ‘âşıklarun Ol kadar memdûd olur kim niçe ay-u yıl olur Ders-i tevhîdî mükerrer idegör her rûz u şeb Mâsivâ-yı zikr-i Hak zîrâ ki gâl ü gîl olur Taht-gâh-ı dilde şâh-âsâ karâr ettiyse aşk ‘İzzet-i dâreyn ey dil başuna iklîl olur Hemdem-i mürşid olan yâr ile yâr olur bugün Eller ile sohbet edenler yine hem el olur Ka’be-i vaslında yârun cânı kurbân edegör Hakk’a kim teslîm olursa Hakk’ı İsmâ’il olur