Kubbei Hidayet

Kubbe-i hidâyet şem’-i seâdet Nûruna gark olmuş merdâneler var Gülbe-i gönülde mâh-ı muhabbet Yüzünde berk urur gül-dâneler var Enhâr-i tevhîdden almış nemâyı Tûr-i hitâbında görmüs hümâyu Sırr-ı süveydâda cihân-nümâyı Keşfeder esrârı şeh-dâneler var Gözlerin doldurmuş ma’rifet nûru Bulmuş ma’rifetle bâkî huzûru Cennet-i âcildir zevk u sürûru Ma’rifet bahrinde dür-dâneler var Men aref kitâbi dil-hânesinde İlm-i ledündânın ders-hânesinde Mey-i vahdet dolmuş peymânesinde Sermest-i peymâne rindâneler var Bahr-i ma’rifetin kenârı yokdur Vüsûl-i vuslatın menzili çokdur Sadıklara sanma bu yol ırakdır LUTFÎ vâsıl olmuş mestâneler var