Nedir Bilmez

Bu ‘aşkın mübtelâsı zühd ile takvâ nedir bilmez Şu kim mağlûb olupdur lâ-cerem da’vâ nedir bilmez Gönül kim daldı deryâ-yı fenâya sâhile bakmaz Düşer girdâba gûyâ ak ile kara nedir bilmez Tecellî satvetinden kendin âhir bî-şu’ûr eyler Olup mest-i fenâ dünyâ vü mâ-fî-hâ nedir bilmez Bu bir cezb-i ilâhîdir ki ‘akldan bunda bahs olmaz Bilen ders-i hakîkat fıkh ile fetvâ nedir bilmez Muhabbetden dimâğ-ı câna Hakkı çâşni vir kim Bu sohbetde muhabbet tatmayan helvâ nedir bilmez