Nevayı Nayı Dilden

Nevâ-yı nây-ı dilden dinleyen dilşâd olur cânâ Şerâb-ı vahdeti nûş eyleyen irşâd olur cânâ **** Hidâyet bağçesinde verd-i vahdetler açılmışdır Seher bâd-ı sabâ mahbûbesi şimşâd olur cânâ **** Safâ-yı sâfî sadre bahş eder ebrû-kemân dilber O zülf-i zer-feşân uşşâkına bî-dâd olur cânâ **** Vefâdâr şûh-şeng meh-rûleri kim gördü âlemde Nedendir çâr-ebrûler cefâ mûtâd olur cânâ **** Ne fitne-engîz olmuşdur bugün bu mihribân gülber Olursa yine Allah’dan bize imdâd olur cânâ **** Bugün LUTFÎ kebâb olmuş ciğer-pârelerin bir gör Şivengâh-ı gönülde nice bin feryâd olur cânâ Alvarlı Efe Muhammed Lütfi Hazretleri